ملاحم العز

أدب وشعر | 12 سبتمبر | مأرب برس :

الشاعر /  محمد مفلح :

(هذه القصيدة بلسان حال مجاهد يقاتل برجل واحده )

صوت الوطن لا دعاني قلت يا لبيه

لو ما معي رجل لامشي له بعكّازه

باحميه يعني اذا ما قلت أنا باحميه

يحتله الغزو لا شلّوني اجنازه

وإلا فيحرم على جيش العدو تغزيه

ما دام عاد الدما في العرق هزّازه

ويا رجلي اليوم غيري قد فقد رجليه

لا انتي وحيده فعادش تقضي العازه

دق الجرس للمعارك وأطلق التنبّيه

وإحنا لها بانصيغ النصر وإنجازه

يا بندقي والهدف قدام لا تخطيه

ما جازه العز في درب النقا جازه

فالعز ما كل من هو يطلبه يشريه

العز في ما عزوم القوم تجتازه

قولوا لسلمان ما هو قدّمه يقضيه

والدم بالدم في حاله وما حازه

ما صار فينا بعون الله نرده فيه

موعد سقوطه رسمنا شفرة ألغازه

ننهي نهيّان من وجه الزمن ننهيه

صنم صنم لا يغرّك كبر بروازه

رقم الذنب صفر عشري نسبته ف الميه

ما اتجاوزت كف الأمريكي وقفّازه

حيا الله الكفو واحييه واحييه

والمعجزه تكتب التاريخ بإعجازه

ملاحم العز تتباهى على طاريه

دريهميه تصيغ الفوز للفازه

جندي مجاهد مع الله يتبع التوجيه

ما صده أحدث سلاح الكون وطرازه

ولبّــيه يا سيدي عبدالملك لبّــيه

جنده دروعه سند ظهره ومعنازه

رهن الإشارة وتحت أمره وما يرضيه

دون الوطن نعنباها نفس منحازه .