آبيات القصيد
الشاعر / محمد أحمد مفلح
القصف بالقصف وان عادوا لها عدنا
ومن تعدا يجيه الرد في حينه
من شله الله تحدانا وعاندنا
نطويه في صفحة النسيان وسنينه
على دروب الوفا والعز تاجدنا
عدونا من لقانا تنكسر عينه
لا ثارت الحرب حرّمنا مراقدنا
والنصر بالصبر نستفتح ميادينه
في نصرة الحق شمرّنا سواعدنا
ما همنا حلف الاجرام وشياطينه
لانّا مع الله ولا غيره تجندنا
سبحان من ينصر المظلوم ويعينه
بالمال والنفس بايعنا وجاهدنا
بعد ابن طه ورهن إشارة إيدينه
والله حبانا وشرفنا بقايدنا
بقيادة البدر يتفاخر محبينه
متحزمين المنايا دون سيدنا
والموت فوق العدا دارت طواحينه
كم حاول ابليس عن الاعلام يبعدنا
ويزيدنا إصرار بالحق ومضامينه
نفنا على العز ما خنّا عوايدنا
لن تحكموا الشعب لو ضحى بثلثينه
ما دام والله سبحانه يساندنا
عونه على الواقع اتجلت براهينه
قول الله اعلى وقول الظالمين ادنى
في المعركة مدنا نصره وتمكينه
الايمان الايمان والعدوان وحدنا
والعالم اليوم غيّرنا موازينه
صهيون تعلن قلقها من عقايدنا
والرعب يغشى نتنياهو وحامينه
بشعارنا الموت لإسرائيل حددنا
نهاية الحكم الامريكي وتأبينه
من هو تجرا على الباطل وكايدنا
ودع حياة المسره والطمأنينة
حامت عليه المنايا من رواعدنا
ويكمه الموت في زفة براكينه
نهاية الشر والباطل على يدنا
يا ويل من هو جعلنا من معادينه
نمضي على عهدنا والقدس موعدنا
دارت على حلف صهيون وفراعينه
قتالكم يا عبيد الغرب يسعدنا
لا انتوا دعاته فصبيتنا مجانينه
